Punta Sdoba

Adesso vivo indove che l'Isonzo
se slarga in mar e 'l trova la sua pase.
Per gaver pase anca mi la corente
de 'sti mii ultimi ani 'secondo.

Come el fiume me slargo e me abandono.
e vardo drio de mi nei giorni ciari
i monti bei de la mia giovineza,
che me fa arco sora l'orizonte.

Dove xe 'l tempo che ghe andavo incontro!
Adesso pian me calo verso el mar
turbido e lisso, ancora me strassino

per i sechi che ingruma alberi morti
ma de momento in momento me fazo
più salso e perso drento le maree.

Ogni tanto la bora
me s'ciara i ricordi e me rinfresca
ma po torna el siroco e me disperdo.